தமிழ்நாடு வணிகர் சங்கங்களின் பேரவை என்பது வணிக உலகத்தில் ஒற்றுமை, உரிமை, நலன் மற்றும் முன்னேற்றத்தை நோக்கி பயணிக்கும் மிக முக்கியமான அமைப்பாகும். இந்த அமைப்பு 1982 ஆம் ஆண்டில் வணிக தந்தை, சுதேசி நாயகன் திரு. த. வெள்ளையன் அவர்களின் ஆழ்ந்த பார்வையும், சமூகத்தின் நலனில் கொண்ட நம்பிக்கையுடனும் தோற்றுவிக்கப்பட்டது.

வணிக சமூகத்தின் உரிமைக்குரலாக உருவெடுத்த இப்பேரவையின் பின்புலத்தில், திரு. த. வெள்ளையன் அவர்கள் கொண்ட தன்னலமற்ற சேவை உணர்வும், போராட்ட மனப்பான்மையும் முக்கிய பங்கு வகிக்கின்றன.

அவர் வழிநடத்திய சமூகநீதிப் போராட்டங்கள், வரி மீதான கண்டனங்கள், வணிகக் கட்டுப்பாடுகள் குறித்த விழிப்புணர்வு நடவடிக்கைகள் அனைத்தும் வணிகர்களுக்கு உரிமை நலன்கள் கிடைக்க வழிவகுத்தன.

இன்றைய தலைமையிலான எழுச்சி நாயகன் டைமன் ராஜா வெள்ளையன் அவர்கள், நிறுவனர் தலைவர் திரு. த. வெள்ளையன் அவர்களின் மகனாவார். அவர், தந்தையின் வழிகாட்டுதலைத் தொடர்ந்து, தொழில்நுட்பத்தையும், இளைய தலைமுறையின் கனவுகளையும் இணைத்து, வணிக சங்கத்தை முன்னேற்றத்தின் புதிய பாதையில் இட்டு நடத்தி வருகிறார்.